Erna, Gulli og Þórður Jón í Dubai.

31. desember 2009.

2011-07-25T18:37:00.002Z

Nýju ári fagnað með Íslendingum á Rotana, við og flugfólk frá Atlanta.

Gamlárskvöld og 18 ára sambandsafmæli.

Doddi.

María og Addi.

Gleðilegt nýtt ár.

Skál í boðinu.

29. desember 2009.

2011-07-25T18:25:00.002Z

Skruppum í dagsferð til Dubai með Dodda.

Þarna sitjum við á Montgomerie golf klúbbnum.

Þórður Jón að spá í vellinum.

Dubai Marina í baksýn.

Burj Al Arab.

Jólarósartré á Hyatt Regency Dubai.

24. desember 2009.

2011-07-25T18:09:00.002Z

Aðfangadagur jóla og allir pakkar komnir undir tréð.

Gulli með hangikjötið sitt.

Það á að blása á kerti.

Áhugasamir feðgar að hjálpast að.

Latabæjarjól.

21. desember 2009.

2011-07-25T17:57:00.002Z

Jólatréð skreytt, lifandi jólatré með alvöru lykt, mmmm.

Allt þetta skraut ...

komið á sinn stað.

19. desember 2009.

2011-07-25T17:48:00.002Z

Jólaball hjá vinnunni.

Þórdís Eik og Þórður Jón með sverðin sín.

Jólasveinastóllinn.

Sætastur.

Hann var hálf hræddur við þann rauðklædda og betra að hafa mömmu nálægt.

14. - 16. desember 2009.

2011-07-25T17:40:00.001Z

Við fórum til Dubai í tvær nætur og hittum Eyva sem að var í stuttu stoppi og kom færandi hendi með harðfisk og fleira.

Við fiskabúrið í Dubai Mall með dudduna og koddann sem að má helst ekki sleppa.

Burj Dubai.

12. desember 2009.

2011-07-25T17:34:00.002Z

Þegar piparkökur bakast ...

Sjaldan fellur eplið langt frá eykinni, það besta við að baka piparkökur er að borða degið.

12. desember 2009.

2011-07-25T17:32:00.001Z

Tvö jóladagatöl, má ég fá meira súkkulaði?

5. desember 2009.

2011-07-25T17:29:00.002Z

Þórður Jón í fína rúminu sínu með nýja jólasveinahúfu.

3. desember 2009.

2011-07-25T17:19:00.002Z

Jólakortamyndatakan, Egill stóð á bakvið myndavélina.

Það var líka voða gaman hjá okkur.

Og svo náði sjórinn okkur líka.

2. desember 2009.

2011-07-25T17:18:00.000Z

Mæðgin úti að borða.

1. desember 2009.

2011-07-25T17:14:00.002Z

Þórður Jón prakkari á Hiltonia.

Ég vil mat, hahaha.

Gulli lærir fyrir bílprófið.

30. nóvember 2009.

2011-07-25T17:11:00.002Z

Spiderman aka Þórður Jón.

Yfirsig ánægður með nýja gallan, frammi á gangi þar sem stóri spegillinn er.

29. nóvember 2009.

2011-07-25T17:08:00.001Z

Þórður Jón kominn á nýtt farartæki.

19. nóvember 2009.

2011-07-25T17:02:00.001Z

Bæði réttindi í höfn, tilefni til að skála.

Hjónin heima í stofu á leið út að tjútta.

Doddi, Gulli og Addi.

Egill.

Addi og María.

17. nóvember 2009.

2011-07-25T16:59:00.002Z

Corniche í Abu Dhabi við sólsetur.

Og við á leið á línuskautarúnt.

9. nóvember 2009.

2011-07-25T16:57:00.000Z

Jólin komin í búðirnar, samt ekki allar.

1. nóvember 2009.

2011-07-25T16:52:00.002Z

Gulli á úrslitadeginum.

Egill og Gulli að bíða eftir Aerosmith.

Andreas, Magdalena og vinir á Aerosmith, og svo keyrðu þau beint í flug.

31. október. 2009.

2011-07-25T16:48:00.002Z

Tímatökur á laugardegi.

Gulli hjá sætunum okkar.

Kings of Leon um kvöldið, ekki leiðinlegt það.

30. október 2009.

2011-07-25T16:40:00.002Z

Æfingar á föstudegi.

Útsýnið frá sætunum okkar.

Erna með North Grand Stand í baksýn.

Gulli á sama stað, okkar sæti eru hinum megin við brautina.

Erna að bíða eftir Jamiroquai.

Gulli og Frank komnir í bjórinn á Jamiroquai.

29. október 2009.

2011-07-25T16:32:00.002Z

Byrjun á fyrstu Formúlu 1 helginni í Abu Dhabi. Fimmtudagur og við fengum að labba aðeins um brautina og skoða pittinn.

Gulli við stjórnturninn.

Erna á sama stað.

Fyrstu metrarnir á brautinni.

Magdalena og Erna í pittnum.

Gulli í startholunum.

2011-07-25T16:26:00.002Z

Hamilton að heilsa áhugasömum.

Kvitta á derhúfu.

Kvitta, kvitta.

Gulli kominn með derhúfuna.

Sunna Egilsdóttir á Beyonce um kvöldið, Erna fór að vinna.

27. október - 1. nóvember 2009

2011-07-25T15:54:00.002Z

Andreas og Magdalena komu ásamt vinahjónum til okkar um formúluhelgina.

Þórður Jón fékk rosa flottan Spiderman bíl í pakka frá Svíþjóð, alveg í stíl við náttfötin.

26. október 2009

2011-07-23T13:53:00.000Z

Þórður Jón sæta mús í baði.

Heimsókn 5. - 24. október.

2011-07-23T13:45:00.002Z

Síðasta daginn sem að Harpa og co voru hjá okkur fórum við í skoðunarferð á Emirates Palace Hotel.

Við sáum sýningu um hvað skuli koma á Sadiyat eyju.

Og það var einnig sýning með gömlum Formulu 1 bílum.

2011-07-23T13:39:00.001Z

Við hjónin í gullkaffinu.

Guðni, Harpa og Hannes í gullkaffinu.

Mmmmm...

Monsterið okkar fyrir utan Emirates Palace Hotel.

2011-07-23T13:30:00.002Z

Síðasta kvöldið fórum við út að borða á ítalskan stað og borðuðum fullt af parmessan osti, mmmm.

Hannes, Smári, Harpa og Guðni.

Erna Mjöll og Þórður Jón.

Gulli.

20. - 22. október 2009

2011-07-23T13:24:00.002Z

Við fórum til Dubai 20. - 22. október, skoðuðum gamla bæinn, sumir fóru á skíði og allir í sund.

Hæðsta bygging í heimi.

Systur í Dubai.

2011-07-23T13:16:00.002Z

Á meðan Harpa, Hannes og Guðni fóru á skíði í Mall Of The Emirates fóru Þórður Jón og Smári upp eina hæð og léku sér í kastalanum. Þeir máttu ekki fara á skíði því þeir voru ekki orðnir þriggja ára og það er allt of kalt fyrir yngri en þriggja ára í Ski Dubai (-3°C).

Þórður Jón og Smári að koma niður rennibrautina.

Og aðra.

Komdu Smári, þessa leið.

Smá sýnishorn.

2011-07-23T13:13:00.002Z

Um kvöldið borðuðum við á mjög svo góðum indverskum veitingastað þar sem að var lifandi tónlist og strákarnir voru mjög svo áhugasamir, fylgdust grannt með og klöppuðu á viðeigandi stöðum.

2011-07-23T13:04:00.002Z

Síðasta daginn í Dubai fórum við í Atlantis vatnsgarðinn og það var sko ekki leiðinlegt.

Má ég fá dudduna mína.

Smári að kúra sig hjá mömmu sinni.

Þórður Jón komin í kútinn en vildi ekki fara lengra.

Hannes og Guðni að sprauta í kastalanum.

Kastalinn með rennibrautum og allskonar vatnsdóti.

2011-07-23T12:59:00.001Z

Það þarf að leggja sig eftir svona erfiðan dag.

Það gátu samt ekki allir sofnað.

Þannig að þá var bara að raða í sig poppi.

14. október 2009

2011-07-23T12:43:00.002Z

Við fórum í lítinn dýragarð rétt fyrir utan Abu Dhabi þar sem var hægt að klappa og gefa dýrunum.

Gefa kiðlingunum.

Allir að prófa.

Skjaldbökurnar voru dónalegar.

Þessi vildi knúa Gulla.

Klappa og gefa.

2011-07-23T12:36:00.002Z

Þórður Jón.

Þórður Jón og Erna Mjöll.

Að gefa úlföldunum að borða.

Og meira, þeir voru svangir.

Gefum öllum að borða.

2011-07-23T12:25:00.002Z

Hannes og synir að gefa öpunum að borða.

Þórður Jón að kjafta við apana.

Gulli glaður að tala við páfagauk.

Feðgar.

Einskonar hópmynd.

10. október 2009

2009-11-26T08:17:00.002Z

Vinnufélagi minn hann Nader bauðst til að kynna okkur fyrir local mat, hann fékk kokkinn sinn til að elda fyrir okkur og sendi svo bílstjórann til okkar með stóran bakka af mat.

Undir brauðpönnukökunum leyndist mjólkurlamb og meðlæti.

Þetta smakkaðist mjög vel og var bara byrjunin á góðu kvöldi. Egill og fjölskylda nutu með okkur veitinganna.

5. - 24. október 2009

2009-11-26T08:06:00.003Z

Harpa, Hannes, Guðni og Smári komu til okkar í október og þá var margt brallað.
Guðni.
´
Þórður Jón og Guðni á flugvélinni í sundi.

Þórður Jón og Smári mjög uppteknir við að borða morgunmat.

3. - 8. október 2009

2009-11-26T07:58:00.002Z

Randí og fjölskylda komu og heimsóttu okkur frá Noregi.
Randí, Elisabet og Þórður Jón á ströndinni.

Svo gaman í heimsókn hjá okkur, allir í tölvunum.
Sölvi, Elísabet, Þórður Jón, Gulli og Patrik.

27. september 2009

2009-11-26T07:45:00.002Z

Skoðuðum stóru moskuna,
feðgar að slaka á.

Voða gaman.

Mögnuð bygging.

Amma tekur sig vel út.

Mæli með þessu.

21. september 2009

2009-11-26T07:43:00.000Z

Dagsferð til Dubai.

19. september 2009

2009-11-26T07:32:00.002Z

Við stoppuðum á leikvelli, einum af mörgum í borginni.

Bara gaman.

Smá hjálp frá pabba.

18. september 2009

2009-11-26T07:26:00.002Z

Ein af mörgum ferðum í sundið.
Þórður Jón að stríða pabba sínum.

Sundlaugarbarinn í hægra megin bakvið Þórð Jón.

Duglegur strákur að synda aleinn.

16. september 2009

2009-11-26T07:20:00.001Z

Fengum bílinn okkar eftir langa bið, 8 manna monster.
Toyota Sequoia.

Tek mig vel út ;-)

13. september 2009

2009-11-26T07:12:00.002Z

Skelltum okkur á ströndina og núna í réttum klæðnaði.

Sjórinn var svipað heitur og barnabusllaugarnar heima.

10. september 2009

2009-11-26T07:04:00.002Z

Gulli og Þórður Jón fluttu út þann 10. september og amman kom með þeim, þeim til halds og trausts.
Daginn eftir fórum við aðeins að skoða í kringum okkur og fundum án erfiðleika bæði sand og sjó.

Þórður Jón var ekki lengi að kasta sér út í heitan sjóinn.

Lífið er ljúft.

6. september 2009

2009-11-06T07:07:00.002Z

Haldið upp á afmælið heima hjá ömmu, Harpa frænka bakaði Spiderman kökuna.

Fullt af pökkum frá fjölskyldunni.

Veisluborðið var ekki af verri endanum, mamman fékk svo að fylgjast með öllu í gegnum skype, tölvan sat á veisluborðinu.

7. september 2009

2009-10-28T06:57:00.003Z

Þórður Jón tveggja ára í leikskólanum.

Sunnudagurinn 16. ágúst í London.

2009-10-28T06:52:00.001Z

Allir þreyttir eftir góða helgi og slakað á í garðinum, Erna flaug til Abu Dhabi í hádeginu og allir hinir heim til Íslands um kvöldið.

Laugardagurinn 15. ágúst í London.

2009-10-28T05:47:00.002Z

Við fórum að leika okkur í garðinum.

Sigldum á vatninu.

Farðu frá ég er að renna mér.

Að ramba að hafnfirskum sið.

U2 föstudaginn 14. ágúst.

2009-10-28T05:06:00.004Z

Eigum við að ræða það eitthvað, metfjöldi og snilldar tónleikar.

Hjónin fyrir utan Wembley.

Sætar skvísur á leið á tónleika.

2009-08-20T09:34:00.002Z

Á föstudeginum fórum við í dýragarðinn fyrir hádegi og sáum fullt af dýrum sem að voru mjög spennandi og Þórður Jón hljóp um allt og lék sér.

Þórður Jón að príla upp bratta brekku með hjálp kaðals.

Við mæðgin.

Þeir feðgar með gírafa í baksýn.

Aaaaa við rolluna.

Feðgar á röltinu.

Hiltonia

2009-08-20T09:25:00.002Z

Við fjölskyldan gerðumst meðlimir í Hiltonia strandklúbbnum, þar þurftum við ekkert að bíða eftir inngöngu en ársjaldið þar er töluvert dýrara en í Breska Klúbbnum. Við eyddum einum morgni þar með bros á vör.

Þórður Jón í busllauginni.

Gulli og Þórður Jón í busllauginni.

Gulli go Þórður Jón í stóru rennibrautinni.

Erna og Þórður Jón í litlu rennibrautinni.

Í rennibrautarlauginni.

Safarí í sandkassanum.

2009-08-19T17:12:00.002Z

Við skelltum okkur í eyðimerkursafarí 11. ágúst, jeppaleikur í sandinum, grill og setið á cameldýri. Þrælskemmtilegt og get mælt með þessu fyrir þá túrista sem koma að heimsækja okkur.

Setið og spjallað lengst úti í eyðimörkinni.

Gulli og Erna á Camel dýri.

Camel dýrin borða þurrkað gras, ekki vandamál að þurrka það hér.

Sólsetur.

2009-08-19T17:10:00.001Z

Jeppaleikur í sandöldum,

og meira til.

Egill í sandkassanum.

Við í sandkassanum.

Hleypa úr dekkjunum fyrir jeppaleik.

Einn bjór eða svo ...

2009-08-19T17:08:00.001Z

Andreas

Við hjónakornin

Egill og Caroline

Þórður Jón í Abu Dhabi

2009-08-19T16:27:00.001Z

Heima að borða epli í náttfötunum.

Í sandkassa, inni í Marina Mall.

Í dótabúð, ég vil þetta hjól.

Turnréttindi

2009-07-31T06:12:00.002Z

26 þjálfunardagar með að minnsta kosti fjóra klukkutíma í stöðu hvern dag, þrjú bókleg próf og lokahinkkurinn í gærkvöldi.

Kvöldvakt frá 1930 - 0300;
1930 - 2100 í turnstöðu og spurt um öll tæki, takka og tól,
2115 - 2215 bóklegt próf,
2230 - 2400 í grundstöðu, mikið að gera og flókin umferð,
oo10 - 0100 munnlegt próf, erfiðara en ég átti von á,
0110 - 0200 farið yfir próf og stöður, niðurstaða:
verklegt 92
bóklegt 97
munnlegt 88
0230 - 0300 fyrsta konan til að vinna á eigin réttindum í turninum í Abu Dhabi, (vann reyndar grundina)

Kom heim í þvílíku spennufalli og gjörsamlega búin á því og fór því beint að sofa, önnur kvöldvakt í kvöld.
Þetta kallar maður próf ...

Ökuskirteini

2009-07-21T15:42:00.002Z

Ég fór í verklega bílprófið í morgun, ósofin eftir næturvaktina, gleymdi meira að segja að fá mér morgunmat áður en ég mætti. En það hafði engin áhrif því að ég er komin með ökuskirteinið í hendurnar. Þetta var það mest aumasta ökupróf sem að ég hef heyrt um. Eftir töluverða bið inni á skrifstofu vorum við kallaðar út 12 saman og troðið upp í mini bus en ein í bílinn sjálfan. Og svo var keyrt af stað, út á götu, vinstri beygja og svo hægri og þá var stoppað, sú fyrsta hafði náð og næsta tók við, út götuna hægri beygja stoppað og þessi náði, næsta í próf. Svona var þetta koll af kolli. Ég fékk að keyra út götuna taka hægri beygju og svo aðra hægri beygju og stoppa.
Og fyrir þetta allt saman fékk ég ökuskirteini og má keyra út um víðan völl.
Nú þarf ég bara að ná fyrstu réttindum og kaupa bíl.
Hvernig bíl á ég að kaupa mér?
Ég sótti tölvugarminn úr viðgerð í dag og nú virkar garmurinn miklu betur og ég get leikið mér í tölvunni eins og enginn sé morgundagurinn.
Óskar er fastur í Nigeríu og kemst líklega ekkert í heimsókn til mín.
Ég er bara búin að steinsofa í allan dag, önnur næturvakt framundan.

Meira að austan

2009-07-21T14:57:00.002Z

Jón Páll og Gamli

Krummarnir heita

Myndir að austan

2009-07-21T14:44:00.002Z

Jón Páll heitir krummi sem situr hjá mér

10

2009-07-20T05:54:00.002Z

Ég fékk 10 í bóklega bílprófinu í morgun, enda ekki erfitt próf.
Komin með arabíska þýðingu á ökuskirteininu og má því fara beint í road test, þarf ekki að taka neina ökutíma, jibbí jeij.

Level 3

2009-07-19T19:11:00.002Z

Þá hef ég lokið Level 3 af 4.
Tók próf í dag og fékk 86 og er nú bara nokkuð ánægð með það.
Lokaprófið er svo planað 30. júlí.

Úr húsdýragarðinum og Hellisgerði

2009-07-15T20:23:00.002Z

Vaktafrí og ökuskóli.

2009-07-15T10:50:00.002Z

Þá er þetta vaktafrí að klárast og ég er ekkert búin að læra fyrir næsta próf sem er 19. júlí.
Ég er hins vegar búin að eyða öllum morgnum í ökuskólanum og fæ að taka bóklega prófið 20. júlí. Það tók Caroline ekki nema 10 mín að fá sitt ökuskirteini, Suður Afríka er á listanum en ekki Ísland.
Veðrið er alltaf eins, sól og um 40 stiga hiti. Skyggnið dettur niður í 2 km þegar rykið er mikið og hitinn minnkar að sama skapi. Það getur orðið mjög rakt á kvöldin og á næturnar en hingað til hefur ekki verið mjög rakt á daginn.
Gulli og Þórður Jón eru á Bakkafirði og verða þar næstu 3 vikurnar í góðu yfirlæti.

Út að borða enn og aftur.

2009-07-15T10:47:00.002Z

Ég fór með svíunum út að borða á mánudagskvöldið á stað sem er á 31. hæð og snýst þannig að útsýni er nokkuð gott. Ég var komin snemma til að taka nokkrar myndir áður en myrkrið varð of mikið.
Sólin að setjast í mitri og eyðimerkurriki.

Magdalena og Göran.

Andreas og ég.

2009-07-15T10:42:00.002Z

Alls staðar er verið að byggja háhýsi.

Gatan sem að ég bý við, ef vel er gáð þá sést í húsið mitt í fjarska vinstra megin við götuna.

15 - 20 mín labb í þennan garð frá húsinu mínu og nóg af leiktækjum fyrir Þórð Jón.

Corniche og Lulu Island.

Það sem varð á vegi mínum í dag

2009-07-10T13:20:00.003Z

Ég línuskautaði í Marina Mall (7km) og þetta sá ég:
árekstur tveggja leigubíla, engin slys en ég er hálf hrædd í umferðinni hér,

enginn á ströndinni nema einmanna ruslatunna og

menn að veiða nálægt Marina Mall.

Ég er svo búin að leggja mig og vöknuð fyrir næturvaktina.

Annar áfangi af fjórum kláraðist í þjálfuninni í gærkvöldi þegar ég kláraði 14. vaktina. Kláraði LVP prófið með stæl á miðvikudaginn og fékk 96.

LVP próf í dag.

2009-07-08T05:02:00.002Z

Ég á sko að vera að læra undir próf en það er bara svo erfitt að halda sér við efnið.
Ég átti frábært vaktafrí og vinnan gengur vel.
Gulli og Þórður Jón ætla að koma til mín 4. ágúst og svo förum við saman til London þann 13. ágúst og þeir heim til Íslands þann 16. ágúst og sama dag fer ég til Abu Dhabi.
Ég var að vinna í gær og þá var B767 með plan frá Abu Dhabi til Dubai með kallmerkið ICE eitthvað, en þeir runnu út á plani og kölluðu ekkert í mig, skammirnir, það hefði verið gaman að segja góðan daginn á bylgjunni.

Ný stofa og æfingaraðstaða.

2009-07-08T05:00:00.001Z

Hef sett upp æfingaraðstöðu í stofunni og hef því engar afsakanir lengur, ehemm.

Nýja stofan mín.

Ikea

2009-07-08T04:59:00.000Z

Ekki fyrsta og ekki síðasta ferðin í IKEA.

Grand Mosque

2009-07-08T04:53:00.004Z

Ég fór síðastliðinn sunnudag með Andreasi og Magdalenu að skoða stóru moskuna og hún er glæsileg verð ég að segja.

Margra tonna ljósakróna.

Mikið skraut.

Ég þurfti að klæðast búning.

Bílpróf og fleira

2009-07-03T04:13:00.002Z

Ég fór í gær til að athuga með bílprófið, var send langt út í úthverfi borgarinnar bara til að fá þær upplýsingar að þar gætu þeir ekki talað við mig því að þar væri enginn kvnlæknir til að taka augnpróf. Ertu ekki að grínast??? Ég á sem sagt að fara á annan stað og stefni á að gera það á sunnudaginn.
Ég fékk formlegt umsóknareyðublað í Klúbbnum, þar er að mér skilst núna 12 mánaða biðtími, en vel þess virði.
DHL kom færandi hendi með bæði visa og euro kort svo að nú get ég eytt peningum eins og enginn sé morgundagurinn.
Í gærkvöldi fór ég út að borða með Andreas, Magdalenu og Göran vini þeirra á veitingastað í Marina Mall. Þessi staður er efst í turni og gólfið snýst svo að hægt er að sjá borgina vel. Góður matur en engir áfengir drykkir í boði þarna.
Stefnan er tekin á Klúbbinn í dag, brunch, bjór, sandur, sól og sjór.

Vaktasyrpa númer tvö búin.

2009-07-02T05:06:00.002Z

Þá er önnur vaktasyrpan búin og komin júlí, ótrúlegt hvað tíminn líður hratt. Ég fór í próf síðasta sunnudag upp úr ICAO doc. 4444 og gekk vel, næsta próf er 8. júlí upp úr LVP og það er mér skilst frekar flókið. Vinnan gengur vel og ég er orðin nokkuð örugg á grundinni og turnstaðan er ekki svo flókin. Ég er búin með 10 þjálfunarvaktir af 25 þannig að þetta er allt í rétta átt.

Út í garði

2009-06-30T11:47:00.000Z

Fleiri myndir

2009-06-30T11:38:00.003Z

Nokkrar myndir fyrir Ernu ;)

2009-06-30T11:08:00.002Z

Búslóð

2009-06-26T15:15:00.002Z

Ég keypti bróðurpartinn af búslóðinni hans Andreasar í dag, þau eru að flytja heim til Svíþjóðar í sumar og ég gat fengið nokkuð marga, góða og nytsamlega hluti.

Klúbburinn

2009-06-26T15:09:00.002Z

Í gær fór ég með Andreasi og Magdalenu í Klúbbinn, þar er hægt að finna tækjasal, íþróttasal, sundlaug, bókasafn, bar, veitingastaði, strönd, sand og sjó, og margt fleira. Snilldarstaður sem að ég hef þegar skráð mig á biðlista til að gerast meðlimur, ekki nema 6 - 9 mánaða biðtími.

Þarna sést einn útibarinn, hann opnaði klukkan 3 en þeir byrjuðu ekki að afgreiða klukkan 4 ???

Ströndin séð frá borginni, þetta líka fína háspennumastur rétt hjá.

2009-06-26T14:58:00.002Z

Ströndin séð í áttina að borginni.

Partur af barnasundlauginni.

Meiri leikaðstaða fyrir Þórð Jón.

Magdalena og Andreas á barnum.

Ströndin séð frá barnum.

Bílpróf

2009-06-23T15:05:00.004Z

Ég fór í morgun full af bjartsýni til að fá mér nýtt ökuskirteini, en nei nei, Ísland er víst ekki á lista yfir þau lönd sem að geta skipt yfir án vandræða. Ég þarf að taka prófið aftur, jahérna hér. Ég nenni ómögulega að spá í því núna þannig að það mun bíða betri tíma.
http://www.adpolice.gov.ae/en/portal/services.driving.licenses.aspx

Ertu ekki að grínast?

2009-06-23T14:52:00.002Z

Hvað haldið þið, það byrjaði að leka heima hjá mér í dag. Loksins flutt úr rigningarlandinu og búið að laga þakið á Smyrlahrauninu þá þarf ég að hafa áhyggjur og loftkælingunni og að hún geti tekið upp á því að leka. Er þetta ekki bara fyndið?
En þeir koma víst ekki fyrr en í fyrramálið að gera við, ég var svo óheppin að uppgötva þetta ekki fyrr en eftir hádegi.
Loftið á baðinu á herbergisganginum.

Og aftur áður en húsvörðurinn kom og kíktí á lekann.

Og inni í vinnukonuherberginu, gott að þar býr enginn.

Gestur.

2009-06-23T14:44:00.004Z

Það kom gestur til mín á svalirnar í dag, ég vildi samt ekki opna svalahurðina og fæla hann í burtu.

21. júní 2009

2009-06-21T08:45:00.002Z

Í dag eigum við Gulli 6 ára brúðkaupsafmæli, ég er nývöknuð eftir næturvakt og hann er í útilegu heima á Íslandi með einkaerfingjanum.
Allavega þá gekk næturvaktin ljómandi vel, það var mikið að gera fram til 3, ég var í stöðu milli 2230 og 0030 og svo aftur milli 0400 og 0600. Það er mikið að gera alveg til 3 á næturnar og svo EKKERT til svona hálf sex. Ég fékk þó að sjá sólarupprásina og upplifa kyrrðarstund í turninum. Önnur næturvakt í kvöld og svo vaktafrí í 4 daga.
Minnsti hitnn sem að ég sá í nótt voru 27° klukkan 5 í morgun, já sæll eigum við að ræða það eitthvað?

Næturvakt

2009-06-20T14:18:00.001Z

Fyrsta næturvaktin á eftir og ég er búin að leggja mig. Þetta leggst allt saman mjög vel í mig.
Gulli og Þórður Jón eru í hinni árlegu vinaútilegu og hafa það vonandi fínt.

Snilldin ein.

2009-06-19T07:04:00.002Z

Fór á vaktina í gær og fékk að tala og stjórna og fyrsta vélin sem að ég talaði við var TF ELK með íslenskum flugmönnum, góðan daginn. Ég var þvílíkt stressuð fyrst en sjálfstraustið kom fljótt og þetta var svakalega gaman. Það var ekki mikið að gera fyrripartinn en töluvert mikið síðasta einn og hálfa tímann. Það er mikið að læra og margt nýtt, ég hlakka mikið til að takast á við þetta verkefni. Allir mjög almennilegir og kurteisir og ég get bara engan veginn kvartað yfir neinu. Önnur kvöldvakt í kvöld og svo taka við tvær næturvaktir, laugardag og sunnudag.

Internet

2009-06-18T07:46:00.003Z

Frábær þjónusta, ég fór í morgun til að kaupa internet í íbúðina og þremur tímum síðar er ég tengd. Alveg átti ég ekki von á þessu.
Fer á vaktina á eftir og fæ að tala við flugvélar, fyrsta konan í Abu Dhabi turni sem fær að gera það.

Meira af svölunum.

2009-06-18T07:44:00.001Z

Út af svölunum og til hægri

og til vinstri, miklar framkvæmdir í gangi.

Burt með gamalt

2009-06-18T07:42:00.003Z

Út um alla borg má sjá niðurrif gamalla húsa svo hægt sé að byggja ný og stærri.

Vakt númer 2

2009-06-17T15:41:00.002Z

Þjálfunarleyfið var ekki komið í morgun svo að ég fékk bara að hlusta og merkja ræmur, enda kannski alveg nóg til að byrja með því að það var mjög mikið að gera í morgun.
En þjálfunarleyfið fékkst svo loksins í dag þannig að ég fæ að stjórna einhverju á morgun og ég hlakka mikið til.
Hitinn var 42° klukkan 14 á flugvellinum í dag, merkilegt að ég er ekki grilluð í gegn, en það er skítakuldi inni og ég er alltaf í peysu.
Einkavél héðan bar kveðju frá mér til Keflavíkur, skondið að sjá BIKF á ræmunni.
Annars er allt rólegt, stefni á að fara í bankann og internetleiðangur í fyrramálið fyrir vaktina sem er seinnipartsvakt.

Fyrsta vaktin

2009-06-16T16:53:00.002Z

Jæja þá er fyrsta vaktin búin, venjan er að fylgjast með fyrstu vaktina og það var akkúrat það sem að ég gerði í dag. Ég sat og fylgdist með grundinni og þar var nóg að gera, en samt aldrei neitt klikkað, og svo datt það niður af og til. Þetta virðist ekki vera of flókið en ég þarf nú samt að leggja á þó nokkuð magn af upplýsingum á minnið.
Ég er nú samt ekki komin með þjálfunarleyfið þar sem að það stendur hvergi í skirteininu mínu að ég hafið verið að vinna síðastliðin ár og þá þarf að fá staðfestingu þess efnis frá Íslandi og helst með stimpli. Bjarni Páll er búinn að hjálpa mér með það og vonandi gengur það eftir á morgun. Ef ekki þá held ég bara áfram að hlusta.
Frank og Caroline eru bæði komin með sín þjálfunarleyfi.

Línuskautar

2009-06-15T17:14:00.002Z

Til að hvíla mig á lærdóminum þá skautaði ég 9,5 km meðfram ströndinni í dag, geggjað veður og gott útsýni. Labbaði heiman frá mér niður að ströndinni og skautaði svo út að Marina Mall.

Stoppaði á leiðinni og fékk mér ferskan ávaxta djús, nýkreistan.

Er hægt að hafa það betra?

Húsið mitt.

2009-06-15T17:13:00.001Z

Þetta er húsið sem að ég bý í, næst eftsta hæð og akkúrat hornið sem að við sjáum ekki.

Íbúðin

2009-06-15T05:34:00.002Z

Jæja, þá er ég loksins búin að kaupa myndavél og mynda alla íbúðina hátt og lágt, ég læt fylgja með teikningu af íbúðinni, hún er samt ekki alveg rétt en nógu rétt til að átta sig á hlutföllunum.
Ég labbaði í gær í Abu Dhabi Mall og það tók mig 20 mínúntur.
Fyrsta vaktin mín er á morgun og þá fæ ég bara að fylgjast með til að átta mig á hlutunum, fæ að taka í á miðvikudaginn og hlakka þvílíkt til.

Svalir út úr hjónaherberginu.

Hjónaherbergið.

2009-06-15T05:29:00.002Z

Hjónaherbergið.

Bleika baðið inn af hjónaherberginu.

Inn í hjónaherbergið, baðið til hægri.

Litla herbergið.

Herbergisgangurinn, strax til vinstri er stóra herbergið svo baðherbergið og þá fram í forstofu.

2009-06-15T05:22:00.002Z

Herbergið sem er við hliðiná baðherberginu, stærra herbergið.

Baðherbergið sem er inn á herbergisganginum.

Forstofan, stofan til vinstri, herbergisgangur beint áfram og baðherbergið til hægri.

Baðherbergið sem er í forstofunni.

Stofan frá forstofunni.

2009-06-15T05:10:00.002Z

Stofan, hurðaropið til hægri á myndinni er fram í forstofu.

Útsýnið frá borðstofunni.

Svalirnar, rétt rúma skóstærð 39.

Borðstofan, eldhúsið til vinstri.

Eldhúsið séð frá vaskinum, borðstofan til vinstri, þjónustustúlkan fyrst til hægri og forstofan lengra til hægri.

2009-06-15T05:02:00.002Z

Herbergi og baðherbergi þjónustustúlkunnar, innaf eldhúsinu.

Eldhúsið, hurðin til vinstri er að herbergi þjónustustúlkunnar.

Frá forstofunni og í gegnum eldhúsið.

Forstofan, til vinstri er fram á gang og til hægri er eldhúsið.

Heitt

2009-06-14T10:47:00.002Z

Það er búið að vera mjög heitt hérna, en þar sem að ég er ekkert mikið útivið þá er þetta í lagi. Allar byggingar vel loftkældar og stundum það vel að peysu væri þörf.
Ég er þvílíkt búin að versla síðustu daga, svona að reyna að koma mér fyrir. Systir Caroline (sem er líka að byrja hér) hefur búið hér í tvö ár og er búin að fara með okkur búð úr búð þannig að við erum að verða nokkuð góðar.
Verkefni dagsins í dag er að kaupa myndavél svo að ég geti sett inn myndir hér.

Abu Dhabi

2009-06-10T15:11:00.001Z

Þá er ég flutt til Abu Dhabi.
Ég lagði af stað á laugardeginum 6. júní og var komin í íbúðina mína aðfaranótt sunnudagsins 7. júní.
Íbúðin er stór og hefur 3 svefnherbergi og er á 17. hæð.
Sunnudaginn var ég mest á skrifstofunni að kynna mér málin og skrifa undir pappíra.
Mánudagurinn fór mest allur í að hitta lækna, út af heilbrigðisskirteini og svo þarf maður heilsuvottorð til að fá dvalarleyfi.
Allan þriðjudaginn var ég á flugvellinum á kynningu og skólabekk.
Allt lítur stórvel út, veðrið heitt og gott, vinnufélagar vinalegir, skemmtilegir og allir að vilja gerðir til að aðstoða mig í einu og öllu.
Hlutirnir gerast ekkert allt of hratt hér og á ég ekki von á að fá net heim til mín fyrr en undir lok mánaðarins. Þar til netið er komið í hús verða líklega stopular færslur.

5. júní

2009-06-10T15:04:00.002Z

Síðasta kvöldið með mömmu sinni.

Kveðjugrill, hundarnir kíktu við og sögðu líka bless.

Sumarhátíð á leikskólanum, að ramba með Smára.