23. júní 2007

Hilda Sýndi Móra fyrir okkur á hundasýningu HRFÍ, hann stóð sig með prýði og lenti í öðru sæti (af þrem). Nanuq fékk frí þar sem hann skar sig milli tánna í Þjórsárdal svo að sauma þurfti.

Helgin 14. - 17. júní 2007

Við fórum ásamt öðru góðu fólki í útilegu í Þjórsárdal, 4 fellihýsi, 3 tjöld, 16 fullorðnir, 7 börn og 3 hundar.

Skoðuðum Stöng á föstudeginum.

Og Háafoss á laugardeginum.

3D sónar í morgun

Við fórum í 3D sónar í morgun og tókum bæði ömmuna og afann með okkur. Magnað að sjá litla Gulla svona áður en hann kemur í heiminn. Hann bræddi okkur öll.

Kaupmannahöfn 1. - 4. júní 2007

Við hjónin skruppum til Kaupmannahafnar um síðustu helgi ásamt mömmu, keyptum okkur barnavagn, burðarpoka og nokkra fatalarfa, hittum Huld og fjölskyldu, röltum strikið í blíðunni og nutum þess að vera til.

Myndir frá Vormóti

Að tjalda í rokinu á föstudeginum.

Móri og Nanuq í einni flækju.















Harpa kom þegar hún gat.

Fjölskyldubúðir og Arnarfell í baksýn,

við vorum rétt rúmlega 70 þetta árið.

Erna og Erla Salóme að dansa á tónleikunum á sunnudagskvöldinu.

Vormót 2007

Við stórfjölskyldan fórum á hið árlega Vormót Hraunbúa í Krísuvík núna um Hvítasunnuhelgina.
Veðrið lék við okkur að mestu leyti, þó að kalt hafi verið á næturnar og rok á föstudegi þá rigndi ekki neitt (eða svotil, bara smá demba síðustu nóttina).
Nokkur aukabörn fylgdu með okkur öllum til gleði, Jón Bjarni, Erla Salóme, Fjóla Hreindís, Stefanía, Gutti, Helga Rós, Bryndís Sunna og Sigrún Maggý.
Svo voru þarna líka Gulla og hennar strákar, Guðrún og hennar fólk, Sindri og Rakel í einhvern tíma og margir, margir fleiri, eða rúmlega 70 manns í fjölskyldubúðum.
Harpa stoppaði eins lengi og hún gat á laugardegi og sunnudegi en gat ekki gist því Guðni lá heima veikur alla helgina og eins gott að hann vissi ekki af hverju hann var að missa.
Myndavélin var vel geymd í hanskahólfi bílsins og því eru engar myndir að þessu sinni.
Allir, hundar og menn, eru dauðuppgefnir eftir langa og góða helgi og okkur er strax farið að hlakka til næstu útilegu eftir rúmar tvær vikur.

Nýjar dýnur

Við fjárfestum í nýjum dýnum fyrir prinsana og eru þeir hæstánægðir með val húsbóndanna.

Páskar

Við eyddum páskunum í sumarbústaðnum hennar ömmu í Grímsnesi ásamt Val, Taniu, Kaju Maríu og Alex Fróða og auðvitað Móra og Nanuq sem að finnst ekki leiðinlegt í sveitinni.

Drengur

Við eigum sem sagt von á dreng þann 23. ágúst,

við kíktum í umslagið sem við fengum með okkur heim.

Sónar í morgun

20 vikur og við erum við hálfnuð, er þetta stelpa eða strákur???

Skugginn er bestur

Það er orðið mjög vinsælt að vera út á svölum og fylgjast með mannlífinu en sólin á það til að vera aðeins of heit og þá er gott að kúra í skuggnaum.

7. mars í Heiðmörk

6. mars á Hörðuvöllum

20. febrúar úti í garði

12. vikna sónar þann 12. febrúar

Þorrablót

Við skelltum okkur austur á Bakkafjörð á Þorrablót helgina 1. - 5. febrúar og komum að sjálfsögðu við á Hámundarstöðum og kíktum í fjárhúsið.

Helgin 19. - 21. janúar 2007

Við fórum upp í sumarbústað síðustu helgi til að fagna fertugsafmælinu hans Sindra bróður. Ég var með kvef og skít alla helgina en þessi mynd náðist þegar ég laumaðist út á laugardeginum. Sigrún Maggí og Erla Salóme eru að hjálpa mér að passa hundana sem að var mikið sport. Gulli sást varla öðruvísi en úti með hundana og allir voru kátir.

14. janúar 2007

Við erum farin í hundana...

Ég á afmæli ...

... í dag,
ég á afmæli í dag.
Hún á afmæli hún Erna Mjöll,
hún á afmæli í dag.
Veiiii.

Móri og bróðir hans

Móri og bróðir hans komu til okkar í gærkvöldi, bróðirinn verður hjá okkur í óákveðinn tima og hefur ekki enn fengið nafn.

Einhverjar hugmyndir?