28 dagar

Vá hvað þetta líður hratt. Við fórum og létum sprauta okkur í dag og erum núna orðin nokkuð vel bólusett. Við eigum bara eftir að fá okkur eina sprautu í viðbót, sprautu númer 2 við lifrabólgu B.
Þetta er svo flugfélagið sem að við fljúgum með til Hong Kong, Bangkok og Singapore:
http://www.cathaypacific.com/

29 dagar

Við förum frá Keflavík þann 28. desember klukkan 1700 með Icelandair til London þar sem að við gistum eina nótt og höldum svo áfram þann 29. desember. Þetta er hótelið sem að við verðum á fyrstu nóttina:
http://www.hilton.com/en/hi/hotels/index.jhtml;jsessionid=LEI3QH4BZTAHQCSGBIWM22QKIYFC5UUC?ctyhocn=LHRAPTW
Það er á flugvellinum þannig að við getum bara rölt þangað og svo aftur til baka daginn eftir á leið okkar til Hong Kong.

30 dagar

Þetta er allt að verða mjög raunverulegt. Það er næstum því of stutt þar til við förum út.
Við erum búin að panta nokkur hótel í viðbót, í Bangkok, Singapore og Sydney. Ég set link á þau hótel seinna. En við eigum í miklum erfiðleikum með að finna gott hótel á Pattaya ströndinni í Tælandi. Það er bara allt uppbókað sem að við finnum.

Jón Bjarni

Hann Jón Bjarni frændi minn er hjá mér núna og trúir því ekki að við Gulli eigum svona heimasíðu svo að ég er bara að sanna það fyrir honum.

Annars erum við búin að vera allt of löt við að finna okkur hótel og erum bara komin með hótel í Hong Kong þar sem við verðum yfir áramótin og höldum upp á 15 ára afmælið okkar.

http://conradhotels.hilton.com/en/ch/hotels/index.jhtml?ctyhocn=HKGHCCI

Flugmiðarnir

Jæja, þá er þetta allt orðið mjög raunverulegt, við erum komin með flugmiðana í hendurnar. Ég keypti líka nokkrar ferðabækur um þá staði sem að við ætlum að heimsækja svo að við ættum að geta lesið okkur til um hvað er áhugavert og hvað skal varst og fleira.
Ætli það sé ekki best að varast alla fugla.

London

Ég og tengdamamma erum á leiðinni til London á sunnudaginn og ætlum að stoppa þar í tvær nætur. Ætli við kíkjum ekki í eins og eina búð eða svo, ehemm.
En ég ætla líka að fara á ferðaskrifstofuna til að borga og sækja flugmiðana okkar Gulla.
Við erum bara rétt byrjuð að skoða hótel í Hong Kong og eigum mikið verk fyrir höndum.

Bjarni frændi

Ég hringdi í Bjarna frænda í morgun og varaði hann við komu okkar. Hann var heldur betur hress og alveg frábært að heyra í honum, ég hlakka geggjað mikið til að hitta þau öll.
Við stoppum í 16 daga í Nýja-Sjálandi, samt ekki allan tíman hjá Bjarna. Við ætlum líka að skoða fyrirheitna landið og ferðast eitthvað um.

Við erum búin að panta okkur flugmiða hringinn í kringum hnöttinn ;-)