Rotorua

Við komum til Wellington á mánudegi og keyrðum norður til Rotorua á þriðjudegi og erum sem sagt komin aftur til Bjarna og Jackie og það er búið að rigna aðeins á okkur hér. Það er rólegur dagur framundan og á morgun ætlum við niður á strönd þar sem við verðum fram á sunnudag. Foreldrar Jackie eiga sumarhús við ströndina og Bjarni á bát þar með tengdapabba sínum svo að það verður nú ekki leiðinlegt hjá okkur. Það er alveg dekrað við mann hér.
Ólína (tveggja og hálfs) vaknaði snemma í morgun og kom fram í stofu til okkar þar sem að við lágum steinsofandi. Uppi á stofuborði var krem sem að Gulli notar til að bera á húðflúrið sitt og Ólína komst í túpuna og smurði þykku lagi framan í sig og í hárið á sér. Mjög feitt krem sem að situr enn að einhverju leyti í hárinu. Við göngum frá kreminu framvegis ;-)

Á norðurleið

Rivendell

Í skógarferð

Norðureyjan og Wellington

Á leið frá suðureyjunni

Gríðarlega fallegt

Við fórum frá Queenstown á laugardaginn og keyrðum norður fyrir Christchurch með nokkrum stoppum þar á meðal við Mt Cook sem er hæðsta fjall Nýja Sjálands eða 3754 metrar. Við stoppuðum líka við brú þar sem fram fór teygjustökk en tókum ekki þátt í því, tókum bara myndir. Og fleiri fallegum stöðum stoppuðum við líka en þá var batteríið búið á myndavélinni. Á sunnudeginum keyrðum við svo norður meðfram austurstöndinni, í gegnum mikil vínræktarhéruð og alveg til Nelson og aftur aðeins til baka til Picton þar sem við erum núna (það er kominn mánudagur hjá okkur). Héðan tökum við svo ferjuna á eftir til Wellington sem að er höfuðborg Nýja Sjálands.
Það er alveg sama hvert litið er, hér er gríðarlega fallegt. Á 5 dögum erum við búin að keyra yfir 2000 km og erum bara búin að sjá brotabrot af suðureyjunni og það er alveg á hreinu að við ætlum að koma hingað aftur og skoða meira og betur.
Hver kemur með?

Nálæt Picton

Hvíld við tæra á

Mt Cook

Teygjustökk

Nugget Point

Queenstown

Lord of the Rings

Flott bru

Gallabuxur i solinni

Sunny beach

Nokkrir steinar

Massa flott land

Váááá, þetta land er æðislegt. Það er rosalega fallegt hér og margt hægt að gera.
Við höfum því miður ekki verið við nettengingu en tökum allar kvartanir alvarlega og setjum inn íslenska stafi og nokkrar myndir.
Sem sagt smá ferðasaga, eftir að við skildum við ykkur síðast þá keyrðum við suður á bóginn og nánast alla suðurströndina og stoppuðum á nokkrum fallegum stöðum. Við fundum svo B&B rétt fyrir utan Winton seint um kvöldið (eða um tíuleytið). Við lögðum af stað fyrir 10 á föstudeginum og keyrðum þá til Manapouri og þaðan til Te Anau með nokkrum stoppum á ótrúlega fallegum stöðum og meðal annars stað þar sem hluti að Lord of the Ring var tekin upp. Fengum okkur síðbúin hádegisverð í Te Anau og brunuðum svo til Queenstown þar sem að við erum núna. Snilldarbær, mekka ævintýramannsins. Við skoðuðum bæinn og fórum upp á hæð með kláf þar sem er alveg geggjað útsýni og þar fórum við líka á Luge sem að er bretti með hjólum sem að maður rennir sér á niður tilbúna braut. Fórum líka í minigólf (en ekki uppi á hæðinni), svo að borða, horfðum á götulistamann og röltum um bæinn. Frábær staður og við værum alveg til í að vera hér í heila viku.

Sudureyjan

Jaeja vid lenntum i Christchurch i gaer og fengum okkur bilaleigubil. Skodudum midbaeinn sem ad var nu ekki stor en trodfullur af folki, hatid gotulistamanna var i fullum gangi og skemmtilegar syningar ut um allt. Vid forum lika og skodudum flugstjornarmidstodina sem ad var mjog merkilegt tvi ad teir eru einmitt ad leita ad reyndum flugumferdarstjorum til ad koma hingad ad vinna. En hafid engar ahyggjur, launin eru ekkert til ad hropa hurra fyrir svo ad vid letum ekki freistast. Vid logdum svo af stad seinnipartinn sudur a boginn og stoppudum i litlum bae sem heitir Oamaru tar sem ad vid fundum B&B og vorum tar i nott. Tetta var audvitad ekki Bjarni og Jackie en nogu gott svona rett yfir nottina og i morgunmatinn. Vid gleymdum snurunni til ad nettengja tolvuna okkar svo ad engir islenskir stafir i tetta skiptid. Vid munum halda lengra sudur i dag og vonumst til ad geta sett inn myndir i kvold.

Rigning

Og þá er rigningin búin að ná okkur, það var bæði rok og rigning í allan dag og hvað gerir maður á svoleiðis dögum annað en að fá sér húðflúr. Reyndar ekki bæði, heldur bara Gulli.
Á morgun fljúgum við til Christchurch sem að er á suðureyjunni og tökum bílaleigubíl þar. Við ætlum að rúnta um eyjuna og enda á aftur hér í Rotorua á miðvikudaginn í næstu viku. Þetta er mjög gróf áætlun sem að er alls ekki heilög.
Við erum búin að vera hér í þvílíkt góðu yfirlæti, sofum með íslenskar sængur, borðum yndislegan mat, höfum frábæran félagsskap, við erum keyrð út um allt og búið að fara með okkur eins og kóngafólk. Ég varaði þau við að hafa svona vel fyrir okkur því að það myndi fréttast heim til Íslands og þau fengju fleiri í heimsókn, það finnst þeim alls ekkert slæmt. Það er búið að vera tær snilld að vera hér hjá þeim og ekki allt búið enn.

Márar

Fórum og kynntum okkur menningu máranna og höfðum mjög gaman af. Þetta byrjaði með rútuferð úr bænum sem að var þrælskemmtileg, bílstjórinn sem að einnig var farastjóri sagði okkur frá ýmsu í kringum siði og venjur, við völdum líka höfðingja til að fara fyrir hópnum. Svo var tekið á móti okkur að mára sið og við fengum að sjá mára að störfum og svo tóku þau nokkur þjóðlög fyrir okkur. Einnig fengum við að borða mat sem eldaður er í jörðinni að þeirra hætti og hann var alveg ljómandi góður, sérstakt viðar/eldbrað. Svo var sungið aðeins meira og meðal annars í rútunni heim. Fararstjórinn fékk áður kosinn höfðingja til að taka lagið og svo átti hann að velja annan til að taka næsta lag, Gulli var snöggur til og bauð fram íslenskan söng, og þá var ekki aftur snúið. En þar sem að hann kunni ekki textann fékk ég að syngja ein Krummi svaf í klettagjá. Ekki alveg það sem ég hefði kosið en ég mun bjóða hann fram í næstu verkefni. Allt var þetta alveg þrælskemmtilegt og fróðlegt.

í göngutúr úti í skógi

Já það er fallegt hér

Bjarni í fullum herklæðum

KTM 525 EXC

Þarna brunar Gulli niður eina brekkuna.

Mótorkross

Gulli fékk aðeins að taka í hjólið hans Bjarna, þarna er Bjarni einmitt að sýna honum brautina sem að atvinnumenn keppa stundum á. Hún þykir mjög góð og á henni hefur verið keppt síðastliðin tvö ár í landskeppni. Þetta var í fyrsta skipti sem að Gulli fer á svona hjól og hann datt bara einu sinni og ekki illa. Allt gekk mjög vel og drengurinn jafnvel orðinn veikur fyrir svona hjólum.

Fórum út á bát

Ótrúlega fyndið. Við fórum að heimsækja tengdaforeldra Bjarna og þau búa út í sveit við á. Okkur langaði að fara í túristaferð um ánna en það var ekki í boði á heppilegum tíma. Tengdapabbi Bjarni, Trevor, fór niður að á, spjallaði við eitthvað fólk sem að hann þekkti ekki neitt og spurði hvort þau vildu ekki taka hring með okkur á ánni. Nema hvað, það var lítið mál, ég og Gulli fórum á annan bátinn og Bjarni skellti sér á sjóskíði (eitt skíði) og hann er einmitt að leggja af stað á myndinni.

Í dag við Huka Falls

Að leik í garðinum

Á rúntinum í gær

Risaróla

Við fórum líka í risarólu þar sem að við vorum dregin upp, alveg lengst upp, og svo látin detta niður þar sem að við sveifluðumst á miljón, þvílíkt adrenalínkikk, ég alveg titraði eftir á. Það er hægt að gera allt hérna, þvílíkt snilld.

Dýragarður

Við fórum í dýragarð í morgun og fengum meðal annars að klappa ljónsungum, ótrúlega nett.

Frændsystkinin

Heimamatur

Við fengum saltað nautakjöt og gulrótarköku í eftirrétt, alveg rosalega gott.

Komin til Bjarna frænda

Við erum komin til Nýja Sjálands og til Bjarna frænda og það tók okkur ekki nema 10 ár að komast hingað. Það eru sem sagt 10 ár síðan Bjarni flutti og ég er búin að vera á leiðinni síðan þá. Bjarni sótti okkur út á flugvöll og við erum búin að vera í góðu yfirlæti hér í allt kvöld. Þarna er ég með frænkur mínar, Ólínu í fanginu og Freyju á gólfinu.

Gulli að gefa fuglunum

Við leggjum af stað til Nýja-Sjálands eftir tæpa 10 tíma. Bjarni frændi ætlar að sækja okkur út á flugvöll og okkur hlakkar mjög mikið til að hitta hann, Jackie, Ólínu og Freyju.

Þrívíddarbíó

Erum við ekki flott? Við fórum í IMAX þrívíddarbíó sem að var alveg meiriháttargaman, við mælum eindregið með þessu.

Sydney Harbour Bridge

Bátsferð um höfnina

Mér er stundum kalt

Óperuhúsið

Annars var rigning í mest allan dag og við vorum bara í rólegheitunum, kíktum aðeins í búðir og skoðuðum The Rocks sem að er elsti bæjarhlutinn í Sydney

Gulli fékk hugmynd

Honum Gulla datt í hug að sjá leiksýningu en það var auðvitað allt uppselt, en við biðum þar til rétt fyrir sýningu og fengum tvo miða. Við sáum All Wear Bowlers og við skemmtum okkur konunglega.

Gulli og brúin fræga

Höfrungur eða hákarl?

Við fórum sem sagt að skoða höfrunga í dag, fórum líka í vín- og ostasmökkun í Hunter Valley sem er víndalur Ástralíu. Að ógleymdum sandöldum hér að neðan.

Það þarf ekki snjó!!!

Gulli á leið niður bratta sandöldu og veifar svo þarna lengst niðri.

Á sandbretti

Jeppaleikur

Það geta fleiri farið í jeppaleik þó enginn sé snjórinn. Við fórum aðeins að jeppast í sandöldum í dag, enginn festi sig en það þurfti að hleypa aðeins úr dekkjum, voða gaman en allt öðruvísi en snjórinn heima. Töluvert hlýrra.

Nema hvað!!!

Það byrjaði auðvitað að rigna seinnipartinn og svo er rigningu spáð næstu daga, hún eltir okkur bara.

Skemmtilegt tré

Þrjár Systur

Þessir 3 klettar eru kallaðir þrjár systur eftir gamalli þjóðsögu. Hellirinn sem að við erum í (næsta mynd) er í klettabilinu lengst til vinstri. Það var eins gott að það var þoka fyrir neðan meðan við príluðum niður því ég hefði aldrei farið ef ég hefði séð til botns.

Uppi í klettum

Sætar mörgæsir

Dýragarður

Við fórum í dýragarð í morgun þar sem við fengum að klappa koala, halda á snák, gefa kengúrum að borða og krókódíl gefið að borða. Ótrúlega gaman að vera svona nálægt dýrunum.

Eldað heima

Heima á hóteli allavega. Ljómandi góð tilbreyting í að elda bara í stað þess að fara alltaf út að borða. Á morgun ætlum við að skoða Bláu fjöllin.

Sydney Tower

250 metra útsýnisturn, magnað útsýni yfir borgina. Annars rólegur dagur hjá okkur, skýjað en þægilegur hiti.

Út að borða í gær

Í góðum gír

Góður bjór

Krókódílar

If the fall does not kill you
the crocodile will

Kínverskur vinagarður

Darling Harbour

Íbúðin okkar

Á leið á djammið

Sydney er frábær borg, eða allavega það sem við erum búin að sjá af henni. Sem að er reyndar ekki mikið, við erum búin að vera á röltinu í allan dag í kringum Darling Harbour sem að er snilldarstaður. Beggja vegna við höfnina eru veitingastaðir og barir og fullt, fullt af fólki og söfnum og bátum sem að fara með mann í alls konar ferðir og ég veit ekki hvað og hvað.
Við komum bara rétt heim til að skipta út stuttbuxunum (reyndar vill Gulli ekki fara úr sínum vegna svitavandamáls) og ermalausa bolnum og svo ætlum við að skoða nokkra bari og mögulega einn veitingastað.

Sydney

Við erum komin til Sydney og þar með suður fyrir miðbaug, hér snýst vatnið í vitlausa átt og hér er líka 25 stiga hiti og ljómandi gott veður. Við erum með íbúð í stað herbergis, eldhús, stofa, svalir og allar græjur. Við verðum hér í viku og munum láta okkur líða vel.
Það skein sól á okkur þegar við kvöddum Singapore í morgun. Rúmlega 7 klukkutíma flug og við töpuðum þremur tímum í viðbót, núna er 11 tíma munur á okkur og íslenska tímanum.

Klukkan er 0530

og við erum að pakka niður til að yfirgefa þessa rigningu og halda í sólina í Sydney ;-)
Annars er búið að vera frábært að vera hér, Singapore kom skemmtilega á óvart. Gulli fann fullt af dótabúðum og þó að hann hafi ekki tapað sér inn í þeim þá gleymdi hann sér þar oft. Frábært að versla og að Gulla mati mest gadget borg sem hann hefur komið í. 4 milljónir íbúa á 1000 ferkílómetra landi og 4 opinber tungumál.

Afmælisdagur

Við erum búin að hafa það ljómandi fínt í dag í rigningunni. Skoðuðum kínahverfið og fengum okkur gott að borða og skruppum svo í bíó.

Vááá

Takk fyrir allar afmæliskveðjurnar. Síðasta ár var 8 klukkutímum styttra en flest önnur, en ég ætla að nýta mér þetta og halda upp á afmælið i 32 klukkutíma, eða til miðnættis að íslenskum tíma. Ég er sem sagt orðin þrítug og komin á fertugsaldurinn.

Nætursafarí

Við fórum í nætursafarí og sáum, meðal annars, sýningu þar sem beðið var um stórann og sterkann karlmann til að taka þátt í einu atriðinu. Ég hjálpaði Gulla aðeins við að rétta upp hendina og hann var valinn og fékk að halda á 30 kílóa kyrkislöngu. Því miður náði ég ekki mynd af því (bannað að nota flass) en hann hélt líka á annari minni sem að myndin er af.

Gosbrunnur

Þessi gosbrunnur er 85 tonn og er stærsti gosbrunnur í heimi. Það var bara ekki kveikt á honum þegar við vorum að skoða hann.

Litla Indland

Hér í Singapore eru nokkur hverfi þar á meðal Litla Indland þar er fullt af Indverjum, indverskri tónlist, indverskum búðum og hindúa musteri.

29 ára

Ég vil bara minna ykkur sem komin eru á fertugsaldurinn að ég er ennþá BARA 29 ára ;-)

Skrítin lög

Það er bannað að vera með tyggjó hér og þú gætir fengið sekt fyrir að sturta ekki niður.
Við erum búin að vanda okkur mjög mikið og gleymum aldrei að sturta niður og tyggjóið er vel geymt upp á hóteli.

Vanda sig

Við fórum á kóreyskan veitingastað í gær þar sem að við grilluðum sjálf kjötið, soldið öðruvísi en mjög gaman. Okkur fannst nú samt ekki allt meðlætið gott, en gaman að smakka eitthvað nýtt.

Singapore

Við erum komin til Singapore og hér er rigning og spáir því næstu daga, allavega svona síðdegis.
Við báðum um gott fótapláss og fengum að vera upp í B747, frekar gott fótapláss og ekki verri þjónusta. Það versta við þetta var að flugið var bara tæpir tveir tímar ;-)

Tæland kvatt

Gulli og ferðamálafrömuðurinn okkar hún Jeb, hún fylgdi okkur út um alla Bangkok og fékk manninn sinn til að skutlast með okkur sem þurfti.
Smá stærðarmunur, hmm ha.

Eftir erfiði dagsins

Við erum komin til Bangkok þar sem við verðum í nótt og förum svo til Singapore á morgun. Nauðsynlegt að slaka aðeins á í smá fótanuddi.

Paradís við sundlaugina

Púlað í sundlauginni

Jomtien strönd

það er ströndin sem að við erum við og liggur hún til suðurs við Pattaya strönd. Munurinn á okkur strönd og Pattaya strönd felst aðalega í færra fólki og rólegra umhverfi. Hér er líka töluvert af hommum, mikið af eldri vestrænum mönnum sem að halda í höndina á tælenskum og yngri mönnum.

Til Bangkok á eftir

Við erum búin að tékka okkur út af hótelinu en sitjum nú samt við sundlaugina og höfum það gott. Við verðum sótt klukkan 17 og þá förum við til Bangkok þar sem að við munum vera eina nótt og fljúgum svo á morgun til Singapore.

Ekkert internetsamband

a hotelinu okkar tannig ad tad eru engir islenskir stafir nuna og engar myndir, sorry.
Tad rigndi nu ekki mikid a okkur i gaer, tetta voru bara orfair dropar, muhahaha. Vona tid hafid tad gott i roki og rigningu heima a klakanum.
I dag var alveg glampandi sol og brakandi blida og vid hjonin eyddum deginum vid sundlaugarbakkann, alveg hrikalega erfidur dagur eda tannig.
Skodudum midbae Pattaya i gaerkvoldi, mesta sodoma sem vid hofum sed, ALLT til solu, mikid af folki, havadi og mengun. En mjog athyglisverdur stadur.
Forum lika a jetski i gaer, urdum baedi rennandi blaut eftir skvettur fra hvort odru og gleymdum okkur tannig ad kallinn turfti ad saekja okkur ut a sjo.

Rigning

Og það er búið að rigna aðeins á okkur í morgun

Allaf í tölvunni

Massa kúl slippers

Sól og meiri sól

En samt skýjað inn á milli. Kannski sem betur fer fyrir hvíta Íslendinga.
Kjartan kveðja til útskriftarhóps FS komst til skila, ég hitti nokkur endurskinsmerki og passaði vel inn í hópinn ;-)
Ljómandi góður dagur við sundlaug og á ströndinni.

Pattaya

Við erum komin til Pattaya og inn á hótelið. Þvílík paradís, Rabbit Resort, allt út í litlum húsum og erum við á efri hæð í einu slíku. Tvær sundlaugar, veitingastaður, bar, þráðlaust internet og ströndin yfir eina litla göngugötu. Hingað komum við aftur. Við verðum hér fram á sunnudag í vellystingum. Gulli er strax komin með lit sem að kemur líklega engum á óvart en ég er bara komin með tvær freknur í viðbót.
Hér er svo linkur á hótelið:
http://www.rabbitresort.com/

Ekki slæmt

Hæðsti útiveitingastaður

í heimi og ég var þokkalega lofthrædd. Tókum lyftuna upp á 59. hæð, löbbuðum upp tvær í viðbót og svo upp á þak. Þar sátum við alveg við brúnina með útsýni yfir alla Bangkok. Það tók mig alveg tvo koktaila til að slaka á.
Leggjum af stað til Pattaya eftir hálftíma.

Shit, lofthraedd!!!

Nóg að gera

Við hjónin höfum haft það alveg ljómandi gott hér í Bangkok. Við fengum okkur fótanudd í gærkvöldi eftir matinn og í dag erum við búin að leika túrista út um allan bæ. Gátum þó ekki látið gott heita þegar við vorum búin að því og skelltum okkur í tveggja tíma nudd sem að kostaði ekki nema 1350 íslenskar krónur. Erum núna að hafa okkur til fyrir kvöldmatinn sem mun verða utandyra upp á 61. hæð.

Ad hruni komid...

Erum vi� ekki greind?

Gulli � konungsh�llinni

5 tonn af Budda gulli

Heitt

Tad er heitt i Thailandi, Bangkok er allt odruvisi en Hong Kong, alveg svart og hvitt. Her er allt skitugt og ekkert skipulag en allir kurteisir og hotleid er flott.

Komin ut a flugvoll

og erum nu a leidinni til Bangkok i Thailandi. Tar er yfir 30 stiga hiti en skyjad i dag sem betur fer.
Hong Kong var frabaer, rosalega stor en samt svo litil tvi tad var haegt ad labba nanast allt sem turfti og svo voru almennings samgongur mjog godar. En tad var lika dyrt ad vera tar, matur og fleira a svipudu verdi og heima og stundum mikid dyrara.

Victoria Peak

552 metrar

Við fórum upp á Victoria Peak sem er á Hong Kong eyjunni og er 552 metrar, þar hefði verið magnað útsýni ef ekki hefði verið svo mikið mistur. Svona hátt uppi er að jafnaði 5 gráðum kaldara en niðri í borginni.

Conrad Hotel

Hótelið

Við erum á 48. hæð af 61 og á þremur hæðum fyrir neðan lobbýið er risastór verslunarmiðstöð.